పోఖ్రాన్ పై గొడవలొద్దు: ప్రధాని

న్యూఢిల్లీ: 1998 మేలో నిర్వహించిన పోఖ్రాన్ అణు పరీక్షలపై వివాదాలకు తావు కల్పించవద్దని ప్రధాని డాక్ట్ర మన్మోహన్ సింగ్ సూచించారు. ఆ పరీక్షలు విజయవంతమైన నేపథ్యంలో దానిపై వివాదం సృష్టించవద్దని ఆయన శనివారం సూచించారు. పోఖ్రాన్ పరీక్షలు పాక్షకింగా మాత్రమే విజయం సాధించాయని డిఆర్డీఓ ప్రతినిధి, అణు శాస్త్రవేత్త కె సంతానం అనడంతో వివాదం మొదలైంది.

సంతానం వ్యాఖ్యలకు ప్రతిస్పందిస్తూ ఎన్డీఎ ప్రభుత్వ హయాంలో నిర్వహించిన పోఖ్రాన్ - 2 అణు పరీక్షలు విజయవంతమయ్యాయని మాజీ రాష్ట్రపతి, ప్రముఖ శాస్త్రవేత్త ఎపిజె అబ్దుల్ కలాం అన్నారు. అటల్ బిహారీ వాజ్ పేయి ప్రభుత్వ హయాంలో జాతీయ భద్రతా సలహాదారుగా పనిచేసిన బ్రజేశ్ మిశ్రా సంతానం వ్యాఖ్యలను కొట్టి పారేశారు.