పూణేలో మరో స్వైన్ ఫ్లూ మృతి

పూణే: మహారాష్ట్రలోని పూణే నగరంలో మరో స్వైన్ ఫ్లూ మరణం సంభవించింది. దీంతో పూణేలో స్వైన్ ఫ్లూ వ్యాధికి బలైన వారి సంఖ్య 26కు చేరుకుంది. రూపాలి జోర్ అనే 28 ఏళ్ల గర్భిణీ స్త్రీ శుక్రవారం రాత్రి ఓ ప్రైవేట్ ఆస్పత్రిలో మరణించింది. ఆమె ఆగస్టు 20 నుంచి వెంటిలేటర్ మీద ఉంది.

స్వైన్ ఫ్లూ వ్యాధితో పూణే నగరం అట్టుడికి పోతోంది. తమ వద్దకు వచ్చిన రోగులను జాగ్రత్తగా పరిశీలించి, స్వైన్ ఫ్లూ లక్షణాలు ఉంటే తగిన చర్యలు తీసుకోవాలని పూణే జిల్లా కలెక్టర్ చంద్రకాంత్ దాల్వీ ప్రైవేట్ ఆస్పత్రలకు విజ్ఝప్తి చేశారు. గుంపుల్లో ఉండకూడదని ఆయన ప్రజలను కోరారు.