ప్రకాష్ రాజ్ పై భార్య పిటిషన్

చెన్నై: తన భర్త నుంచి తనకు నెలకు 2 లక్షల రూపాయల భరణం ఇప్పించాలని కోరుతూ సినీ నటుడు ప్రకాష్ రాజ్ భార్య లలిత కుమారి మద్రాసు ఫ్యామిలీ కోర్టులో పిటిషన్ దాఖలు చేశారు. ప్రకాష్ రాజ్ తో లలితకుమారికి 15 ఏళ్ల క్రితం వివాహం జరిగింది. వారికి ఇద్దరు ఆడపిల్లలున్నారు. ఇద్దరి మధ్య వివాదాలు తలెత్తడంతో ఇరువురు విడాకులకు పిటిషన్ పెట్టుకున్నారు.

పిల్లల చదువుల కోసం, వారి బాగోగుల కోసం నెలకు 2 లక్షల రూపాయలు ప్రకాష్ రాజ్ చేత ఇప్పించాలని లలిత కుమారి ఫ్యామిలీ కోర్టును కోరారు. ఈ పిటిషన్ వచ్చె నెల 4వ తేదీన కుటుంబ న్యాయస్థానం జడ్జి బి. రామలింగం సమక్షంలో విచారణకు వస్తుంది.