రాజకీయాలకు తగను: అమితాబ్

ముంబై: తాను రాజకీయాలకు తగలేదని బాలీవుడ్ ప్రముఖ నటుడు బిగ్ బి అమితాబ్ బచ్చన్ అన్నారు. ఈ విషయాన్ని ఆయన తన బ్లాగ్ లో రాసుకున్నారు. 1980 దశకంలో ఆయన కొద్ది కాలం పార్లమెంటు సభ్యుడిగా ఉన్న విషయం తెలిసిందే. చాలా మంది రాజకీయాల్లోకి ఎందుకు రావడం లేదని అడుగుతుంటారని, తాను రాజకీయాల్లో చేరి, వదిలేశానని, తాను రాజకీయాలకు సరిపోలేదని ఆయన వివరించారు. రాజకీయ నాయకుడి పాత్ర చాలా కష్టమైందని, దాన్ని నిర్వహించే వారి పట్ల తనకు ఇష్టంగా ఉంటుందని ఆయన అన్నారు.

రాజకీయం చాలా సంక్లిష్టమైన ప్రపంచమని, అక్కడ తగిన ఆట ఆడలేకపోతే ఎప్పటికీ కొత్తవాడిగానే మిగిలిపోతామని ఆయన అన్నారు. సంబంధాలను ఎంత సులభంగా ఏర్పరుచుకుంటారో అంత సులభంగా తెంచుకోగలరని, శత్రువులను తిరస్కరిస్తారని, నెలలు గడవకుండానే తిరిగి కౌగలించుకుంటారని, వెంటనే ప్రియమిత్రులుగా మారిపోతారని, ఇది చాలా కష్టమైన పని ఆయన అన్నారు. అటువంటి పని తాను చేయలేనని ఆయన అన్నారు. తన మిత్రుడు, సమాజ్ వాదీ పార్టీ నేత అమర్ సింగ్ తో కలిసి ఆయన ప్రస్తుతం సింగపూర్ లో ఉన్నారు. అక్కడ అమర్ సింగ్ కు మూత్రపిండాల మార్పిడి జరుగుతోంది.