ఆనంద్ కు 59 ఏళ్ల జైలు శిక్ష

లాస్ ఎంజెల్స్: బాలికలు, మహిళల పట్ల సెక్స్ సంబంధ నేరాలకు పాల్పడినందుకు గాను భారత సంతతికి చెందిన ఫేషన్ డిజైనర్ ఆనంద్ జోన్ కు లాస్ ఏంజెల్స్ న్యాయమూర్తి 59 ఏళ్ల జైలు శిక్ష విధించారు. 35 ఏళ్ల ఆనంద్ జోన్ అలెగ్జాండర్ రూపొందించిన వస్త్రాలను పారిస్ హిల్టన్, మేరీ జె.బ్లిగ్ వంటి తారలు, సెలిబ్రిటీలు ధరించారు. అతను అత్యాచారం, సెక్స్ వల్ బాటరీ వంటితో పాటు 16 సెక్స్ నేరాలకు పాల్పడినట్లు నిర్ధారణ అయింది.

తనకు పడిన శిక్షను విన్న వెంటనే సోమవారం అలెగ్జాంజర్ కోర్టు హాల్ లోనే బోరున ఏడ్చేశాడు. మళ్లీ విచారణ జరిపించాలని అతను చెసిన విజ్ఞప్తిని న్యాయమూర్తి తోసిపుచ్చారు. అతను 14 నుంచి 21 ఏళ్ల వయసు గల బాలికలను, స్త్రీలను 2002 నుంచి 2007 వరకు ఆరేళ్ల పాటు లైంగికంగా దోపిడీ చేసినట్లు లాస్ ఏంజెల్స్ సుపీరియర్ కోర్టు ప్రాసిక్యూటర్ ఆరోపించారు.