అవంతికతో ఇమ్రాన్ ఖాన్ పెళ్లి?

ముంబై: బాలీవుడ్ నటుడు ఇమ్రాన్ ఖాన్ తన ప్రేమికురాలు అవంతిక మాలిక్ ను పెళ్లి చేసుకోబోతున్నట్లు సమాచారం. వీరిద్దరి నిశ్చితార్థం కూడా జరిగినట్లు చెబుతున్నారు. అయితే పెళ్లి ఎప్పుడు జరుగుతుందనేది మాత్రం ఇంకా గోప్యంగానే ఉంచారు. ఇమ్రాన్ పెళ్లికి చేసిన ప్రతిపాదనను అవంతిక అంగీకరించింది. దీంతో పెళ్లికి అడ్డంకులు తొలగిపోయాయి.

జులై 18వ తేదీన అవంతిక జన్మదిన వేడుకలను ఇమ్రాన్ నిర్వహించినట్లు సమాచారం. అక్కడే అతను అవంతికతో సన్నిహిత మిత్రులు, కుటుంబ సభ్యుల మధ్య తన మనసులోని మాట చెప్పినట్లు ప్రచారం జరుగుతోంది. బాలీవుడ్ ప్రముఖులు అర్జున్ రాంపాల్, కరణ్ జోహర్ ఆ జంటను అభినందించారు. నిజానికి తన పెళ్లికి సంబంధించిన సమాచారాన్ని జనవరిలో ఒక వేడుకలో ప్రకటించాలని ఇమ్రాన్ అనుకున్నాడు. కానీ ఈ లోపే వార్త కాస్తా బయటికి పొక్కింది.