జస్వంత్ బుక్: సుప్రీం నోటీస్

న్యూఢిల్లీ: తన పుస్తకాన్ని నిషేధించడాన్ని సవాల్ చేస్తూ బిజెపి బహిష్కృత నేత జస్వంత్ సింగ్ దాఖలు చేసిన పిటిషన్ పై సుప్రీంకోర్టు మంగళవారం గుజరాత్ ప్రభుత్వానికి నోటీసు జారీ చేసింది. సర్దార్ పటేల్ ప్రతిష్టకు దెబ్బ తగిలే విధంగా ఉందంటూ గుజరాత్ ప్రభుత్వం జస్వంత్ జిన్నాపై రాసిన పుస్తకాన్ని నిషేధించింది.

చారిత్రక సత్యాలను వక్రీకరిస్తూ సర్దార్ పటేల్ ప్రఖ్యాతిని దెబ్బ తీసే విధంగా జస్వంత్ పుస్తకం ఉందని గుజరాత్ ప్రభుత్వం అభిప్రాయపడింది. ఈ పుస్తకం రాసినందుకే జస్వంత్ సింగ్ ను బిజెపి నాయకత్వం పార్టీనుంచి బహిష్కరించిన విషయం తెలిసిందే.