9న కాంగ్రెసులోకి రోజా

హైదరాబాద్: తెలుగు మహిళ అధ్యక్షురాలు, సినీ నటి రోజా కాంగ్రెసు పార్టీలో చేరేందుకు ముహూర్తం ఖరారైంది. ఆమె ఈ నెల 9వ తేదీన ముఖ్యమంత్రి డాక్టర్ వైయస్ రాజశేఖర రెడ్డి సమక్షంలో కాంగ్రెసు పార్టీలో చేరుతున్నట్లు సమాచారం. ఆమెతో పాటు మరో ఆరుగురు తెలుగుదేశం ముఖ్య నాయకులు కూడా కాంగ్రెసులో చేరేందుకు రంగం సిద్ధమైనట్లు ప్రచారం జరుగుతోంది.

రోజా ఇటీవల ముఖ్యమంత్రి డాక్టర్ వైయస్ రాజశేఖర రెడ్డిని కలిసిన విషయం తెలిసిందే. ముఖ్యమంత్రి నుంచి తగిన హామీలు పొందిన తర్వాతనే కాంగ్రెసులో చేరేందుకు ఆమె అంగీకరించినట్లు సమాచారం. రోజా ఇటీవలి కాలంలో సినిమాల్లో కూడా నటించేందుకు సిద్ధపడ్డారు. ఒక తమిళ సినిమాలో ఆమె లేడీ విలన్ పాత్రను పోషించింది.