మధ్యలోనే వైయస్ హెలికాప్టర్ ల్యాండింగ్

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డి ప్రయాణిస్తున్న హెలికాప్టర్ బుధవారం అర్థాంతరంగా కర్నూలు జిల్లా రోళ్లపాడు గ్రామం వద్ద దిగింది. వాతావరణం అనుకూలించకపోవడంతో కర్నూలులో ఇది దిగినట్లు సమాచారం. కర్నూలు జిల్లాలో భారీ వర్షం పడుతోంది. దీంతో హెలికాప్టర్ కు సంబంధించిన సిగ్నల్స్ హైదరాబాదులోని సచివాలయానికి అందలేదు. హెలికాప్టర్ ఏ దిశగా వెళ్తోంది కూడా తెలియలేదు. దీంతో కర్నూలు జిల్లాలో వైయస్ ప్రయాణిస్తున్న హెలికాప్టర్ దిగింది.

చిత్తూరు జిల్లా అనుపల్లెలో రచ్చబండ కార్యక్రమంలో పాల్గొనేందుకు ముఖ్యమంత్రి బుధవారం ఉదయం హైదరాబాద్ నుంచి బయలుదేరారు. ముఖ్యమంత్రి సచివాలయానికి సిగ్నల్స్ అందకపోవడంతో సమాచారం తెలుసుకునేందుకు పార్లమెంటుసభ్యుడు కెవిపి రామచంద్రరావు, డిజిపి, ఇతర అధికారులు సచివాలయానికి చేరుకున్నారు. అక్కడి నుంచి ముఖ్యమంత్రి పాములపాడు నుంచి రోడ్డు మార్గంలో చిత్తూరు జిల్లాకు బయలుదేరినట్లు బుధవారం మధ్యాహ్నం సమాచారం అందింది.