కూలి ఉండవచ్చు: కేంద్ర హోం

న్యూఢిల్లీ: ముఖ్యమంత్రి డాక్టర్ వైయస్ రాజశేఖర రెడ్డి ప్రయాణించిన హెలికాప్టర్ కూలి ఉండవచ్చునని కేంద్ర హోం శాఖ వర్గాలంటున్నాయి. కొండపై దిగిన హెలికాప్టర్ బాగా దెబ్బ తిన్న స్థితిలో ఉందని ఆ వర్గాలంటున్నాయి. కొండను ఢీకొని హెలికాప్టర్ కూలిపోయి ఉంటుందని అనుమానిస్తున్నారు. అపరేషన్ చేపట్టిన కమెడోర్ భారతి కూడా ఇప్పుడే ఏమీ చెప్పలేమని అంటున్నారు.

హెలికాప్టర్ ఆచూకీ ఉన్న ప్రదేశం నక్సల్ ప్రభావితం ప్రాంతం కాదని రాష్ట్ర మంత్రి రఘువీరా రెడ్డి కర్నూలు జిల్లాలో అన్నారు. పారా చూట్లతో కూడా కొండపై దిగలేని పరిస్థితి ఉంది. కొండపైకి ఆర్మీ దిగలేకపోతోంది. హెలికాప్టర్ కొండను ఢీకొని తగలబడి ఉంటుందని కూడా అనుమానిస్తున్నారు. అయితే ముఖ్యమంత్రి క్షేమంగా ఉండాలని అందరూ కోరుకుంటున్నారు.