రెస్క్యూ హెలికాప్టర్లు దిగడం కష్టమే

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డి ప్రయాణించిన హెలికాప్టర్ చిక్కుకున్న ప్రదేశంలో రెస్క్యూ హెలికాప్టర్లు దిగడం కష్టమేనని అంటున్నారు. మరో 20 నిమిషాల్లో పూర్తి వివరాలు తెలిసే అవకాశం ఉన్నట్లు తెలుస్తోంది. ప్రస్తుతం హెలికాప్టర్ చిక్కుకున్న ప్రదేశంలో వర్షం కురవడం ఆగిపోయింది. ఇది పరిస్థితిని మెరుగు పరిచింది.

తాము వేరే పార్టీని అక్కడికి పంపిస్తున్నామని ఐజి రాజీవ్ త్రివేది చెబుతున్నారు. పలు వైపుల నుంచి బృందాలు సంఘటనా స్థలానికి చేరుకోవడానికి ప్రయత్నిస్తున్నాయి. ఎయిర్ కమాండర్ భారతి అందించిన వివరాల ప్రకారం హెలికాప్టర్ ను గుర్తించారు. వైమానిక దళ విమానాలు బయలుదేరాయని ఆయన చెప్పారు. అంతా అడవి కావడంతో అక్కడ విమానాలు దిగడం కష్టమని ఆయన అన్నారు.