షాక్ లో ఎంఎస్ రెడ్డి కుటుంబం

హైదరాబాద్: ముఖ్యమంత్రి వైయస్ రాజశేఖర రెడ్డితో పాటు హెలికాప్టర్ ప్రమాదంలో మరణించిన పైలట్ మందాడి సత్యనారాయణ రెడ్డి (ఎంఎస్ రెడ్డి) కుటుంబ సభ్యులు షాక్ కు గురయ్యారు. ఆయన కుటుంబ సభ్యులు శోకసముద్రంలో మునిగిపోయారు. బంధువులు, మిత్రులు పెద్ద సంఖ్యలో హైదరాబాదులోని విద్యానగర్ శివం చౌరస్తాలో గల ఆయన నివాసానికి తరలి వస్తున్నారు.

సత్యనారాయణ రెడ్డి నల్లగొండ జిల్లా నిడమనూరు మండలం బృందావనపురం గ్రామానికి చెందినవారు. కోరుకొండ సైనిక్ స్కూల్ ఆయన చదువుకున్నారు. అంతకు ముందు ఆయన సైన్యంలో పనిచేశారు. యుఎస్ ఎస్ సంస్థలో లెఫ్టినెంట్ కల్నల్ గా పనిచేశారు. ఆయనకు భార్య, ఇద్దరు పిల్లలు ఉన్నారు.