రోశయ్యకు సిఎం తాత్కాలిక బాధ్యతలు

హైదరాబాద్: రాష్ట్ర ఆర్థిక మంత్రి కె. రోశయ్య ఆపద్ధర్మ ముఖ్యమంత్రిగా పని చేయనున్నారు. ముఖ్యమంత్రి డాక్టర్ వైయస్ రాజశేఖర రెడ్డి దుర్మరణం పాలు కావడంతో రోశయ్యను ముఖ్యమంత్రిగా తాత్కాలికంగా బాధ్యతలు నిర్వహించాలని ఢిల్లీ నుంచి ఆదేశాలు అందాయి. మంత్రివర్గంలో రోశయ్య సీనియర్ కావడమే అందుకు కారణం.

ముఖ్యమంత్రి డాక్టర్ వైయస్ రాజశేఖర రెడ్డి హెలికాప్టర్ అదృశ్యమైనప్పటి నుంచి అన్ని కార్యకలాపాలను ఆయనే సమీక్షిస్తున్నారు. అధికారిక సమావేశాలు కూడా ఆయనే నిర్వహిస్తున్నారు. వైయస్ రాజశేఖర రెడ్డి మృతి కాంగ్రెసు పార్టీకి పెద్ద లోటే. ఆ లోటును భర్తీ చేయడం అంత సులభం కాదు.