వైయస్ హెలికాప్టర్ ఆచూకీ లభ్యం

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డి ప్రయాణించిన హెలికాప్టర్ ఆచూకీ లభ్యమైంది. కర్నూలుకు 40 మైళ్ల నాటికల్ మైళ్ల దూరంలో కొండపై హెలికాప్టర్ చిక్కుకుని ఉన్నట్లు గుర్తించారు. వైమానిక సాయుధ బలగాల చీఫ్ కమాండర్ భరత్ ఈ ఆపరేషన్ కు నాయకత్వం వహిస్తున్నారు. అక్కడికి వెళ్లడానికి పరిస్థితి అనుకూలంగా లేదని చెబుతున్నారు. కర్నూలుకు తూర్పు దిశలో అది ఉన్నట్లు చెబుతున్నారు.

ముఖ్యమంత్రి క్షేమంగా ఉన్నారా, లేదా అనే విషయాలు తెలియడం లేదు. ఇతర వివరాలు కూడా ఏమీ తెలియడం లేదు. చిన్నగా చినుకులు కురుస్తున్నాయి. హెలికాప్టర్ ఉన్న ప్రాంతంలో వర్షం జోరుగా కురుస్తున్నట్లు తెలుస్తోంది. కర్నూలు బేస్ క్యాంపు నుంచి ఆపరేషన్ జరుగుతోంది. నాలుగు హెలికాప్టర్లు వెళ్లడానికి కర్నూలు నుంచి సిద్ధమవుతున్నాయి. భారత వైమానిక దళాల ఆపరేషన్ లో ఇది బయట పడింది. వివరాలు కొద్దిసేపట్లో చెబుతామని అంటున్నారు.