జగన్ సిఎం అయినా సరే: రోశయ్య

హైదరాబాద్: హెలికాప్టర్ ప్రమాదంలో మరణించిన వైయస్ రాజశేఖర రెడ్డి కుమారుడు వైయస్ జగన్మోహన్ రెడ్డి ముఖ్యమంత్రి అయినా తనకు అభ్యంతరం లేదని ఆపద్ధర్మ ముఖ్యమంత్రి కె. రోశయ్య అన్నారు. ఈ విషయంలో తాను కాంగ్రెసు పార్టీ అధిష్ఠానవర్గం నిర్ణయానికి కట్టుబడి ఉంటానని ఆయన చెప్పారు. ఆయన ఆపద్ధర్మ ముఖ్యమంత్రిగా ప్రమాణం చేయడానికి కొద్ది ముందు నుంచి జగన్ ను ముఖ్యమంత్రిని చేయాలంటూ వైయస్ అనుచరులు ప్రచారం మొదలు పెట్టారు.

ఇదిలా ఉంటే, తాను ముఖ్యమంత్రి పదవికి రేసులో లేనని మాజీ మంత్రి, కాంగ్రెసు శాసనసభ్యుడు జెసి దివాకర్ రెడ్డి స్పష్టం చేశారు. అనంతపురం జిల్లాలో ఆయన మీడియా ప్రతినిధులతో మాట్లాడారు. జగన్ ను ముఖ్యమంత్రిని చేయాలని కోరుతూ, ఆయనకు మద్దతుగా తయారు చేసిన వినతిపత్రంపై సంతకం చేయాలని తనను ఎవరూ కోరలేదని ఆయన చెప్పారు. జగన్ ను ముఖ్యమంత్రిని చేయాలని కోరుతూ గవర్నర్ కు జాబితా సమర్పించడానికి వైయస్ అనుచరులు వంద మంది శాసనసభ్యుల సంతకాలు సేకరించారు.