తొక్కిసలాటలో మహిళ మృతి

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డి భౌతిక కాయాన్ని చూడడానికి వచ్చిన ప్రజల మధ్య శుక్రవారం తొక్కిసలాట జరిగింది. ఈ తొక్కిసలాటలో ఒక మహిళ మరణించినట్లు, పలువురు గాయపడినట్లు తెలుస్తోంది. తమ ప్రియతమ నాయకుడిని కడసారి చూసేందుకు హైదరాబాదులోని ఎల్బీ స్టేడియానికి వేలాదిగా ప్రజలు కదలివచ్చారు. వారి సందర్శనార్థమే వైయస్ భౌతిక కాయాన్ని ఎల్బీ స్టేడియంలో ఉంచారు. స్టేడియం గ్యాలరీ ప్రజలతో నిండిపోయింది.

గ్యాలరీ నుంచి ప్రజలు వైయస్ భౌతిక కాయం వైపు దూసుకు రావడానికి ప్రయత్నించారు. వారిని అడ్డుకునేందుకు పోలీసులు లాఠీచార్జీ చేశారు. ఈ సమయంలో తొక్కిసలాట జరిగింది. ముఖ్యమంత్రి భౌతిక కాయం కడప జిల్లాలోని పులివెందులకు బయలుదేరింది. గురువారం సాయంత్రం ఇడుపుల పాయలో ఆయన అంత్యక్రియలు జరుగుతాయి.