ఆసీస్ లో భారత విద్యార్థులపై కేసు

మెల్బోర్న్: ఆస్ట్రేలియాలో ఇద్దరు భారతీయ విద్యార్థులపై 17 ఏళ్ల బాలికపై లైంగిక దాడి చేశారే ఆరోపణలు మోపారు. మెల్బోర్న్ లో రైల్లో పడుకుని ఉన్న బాలికపై వారు లైంగిక దాడికి పాల్పడినట్లు ఆరోపిస్తున్నారు. సుఖ్ జిందర్ సింగ్ (22), అమర్జిత్ సింగ్ (28) అనే ఇద్దరు విద్యార్థులు న్యూసిటీ సౌత్ వేల్స్ మీదుగా రైలులో ప్రయాణం చేస్తూ ఆ నేరానికి వారు పాల్పడినట్లు పోలీసులు చెప్పారు. వారిద్దరికి బెయిల్ ను నిరాకరించారు.

రైలు సిబ్బంది సహాయంతో వారి నుంచి తాను బయటపడినట్లు, వారు తనపై లైంగిక దాడికి దిగారని ఆ బాలిక పోలీసులకు ఫిర్యాదు చేసింది. నేరానికి పాల్పడిన ఇద్దరి వద్ద విద్యార్థి వీసాలు ఉన్నాయి. విచారణ ఈ నెల 16వ తేదీకి వాయిదా పడింది. వారు అప్పుడు బెయిల్ కు దరఖాస్తు చేసుకోవచ్చు.