సోనియాతో మొయిలీ భేటీ

న్యూఢిల్లీ: ఆంధ్రప్రదేశ్ తాజా రాజకీయాలపై కాంగ్రెసు ఆంధ్రప్రదేశ్ వ్యవహారాల ఇంచార్జీ, కేంద్ర మంత్రి వీరప్ప మొయిలీ ఆదివారం పార్టీ అధ్యక్షురాలు సోనియా గాంధీతో చర్చించారు. ఆయన ఆదివారం ఉదయం సోనియాను కలుసుకున్నారు. దివంగత నేత వైయస్ రాజశేఖర రెడ్డి కుమారుడు వైయస్ జగన్మోహన్ రెడ్డిని ముఖ్యమంత్రిని చేయాలని ఒత్తిడి పెరుగుతున్న నేపథ్యంలో ఈ భేటీకి ప్రాధాన్యం చేకూరింది.

పరిస్థితిని, పరిణామాలను కాంగ్రెసు అధిష్ఠానవర్గం నిశితంగా పరిశీలిస్తోంది. కొత్త ముఖ్యమంత్రి వ్యవహారాన్ని ఇప్పుడిప్పుడే తేల్చడానికి అధిష్ఠాన వర్గం సిద్ధంగా లేనట్లు తెలుస్తోంది. సంతాప దినాలు ముగిసిన తర్వాతనే కొత్త నేత ఎంపికపై దృష్టి పెడతామని సోనియా రాజకీయ సలహాదారు అహ్మద్ పటేల్ తోపాటు వీరప్ప మొయిలీ కూడా పదేపదే చెబుతూ వస్తున్నారు.