మరోసారి చిక్కుల్లో నటి స్నేహ

చెన్నై: ప్రముఖ సినీ నటి స్నేహ మరోసారి వివాదంలో చిక్కుకున్నారు. ఆమె హిందువుల మనోభావాలను దెబ్బ తీసేలా వ్యవహిరించినట్లు ఆరోపణలు ఎదుర్కుంటోంది. తండ్రితో కలిసి స్నేహ ఇటీవల తమిళనాడులోని తిరువన్నామలైలోని ప్రసిద్ధ అరుణాచలేశ్వర ఆలయానికి వెళ్లారు. ఆలయంలో ఆమె పూజలు నిర్వహించారు.

పూజల అనంతరం ఆమె కాళ్లకు చెప్పులు వేసుకుని ప్రదక్షిణలు చేసినట్లు ఆరోపణలు వచ్చాయి. స్నేహ చెప్పులు వేసుకుని ప్రదక్షిణలు చేసిన ఫొటోలు మీడియాలో ప్రచురితమయ్యాయి. దీంతో హిందూ మక్కల్ కచ్చి (హెచ్ఎంకె) ఆందోళన వ్యక్తం చేసింది. ఆమె క్షమాపణలు చెప్పాలని, లేకుంటే ఉద్యమం చేస్తామని హెచ్ఎంకె నిర్వాహకుడు శ్రీధరన్ అన్నారు.