వైయస్ మృతిపై సిబిఐ దర్యాప్తు

హైదరాబాద్: రాష్ట్ర ముఖ్యమంత్రి డాక్టర్ వైయస్ రాజశేఖర రెడ్డి మృతిపై ప్రభుత్వం సిబిఐ దర్యాప్తునకు సిఫార్సు చేసింది. రాష్ట్ర ప్రభుత్వం ఇప్పటికే రాజశేఖర రెడ్డి హెలికాప్టర్ ప్రమాదంలో మరణించిన సంఘటనపై దర్యాప్తు ప్రారంభించింది. హెలికాప్టర్ ప్రమాదంలో ఈ నెల 3వ తేదీన వైయస్ తో పాటు ఆయన వ్యక్తిగత ప్రధాన భద్రతాధికారి, ఇద్దరు పైలట్లు, ప్రత్యేక కార్యదర్శి మరణించిన విషయం తెలిసిందే. నల్లమల అడవుల్లో హెలికాప్టర్ కూలిన ప్రదేశం నుంచి సిఐడి ఇప్పటికే హెలికాప్టర్ శకలాలను సేకరించింది. వాటిని కర్నూలు జిల్లా కలెక్టర్ కార్యాలయానికి తెచ్చింది.

కాక్ పిట్ వాయిస్ రికార్డర్ (సివిఆర్) ను టీంకు అప్పగించారు. ఎమర్జెన్సీ లోకేటర్ ట్రాన్స్ మిటర్ ను కూడా దర్యాప్తు అధికారులకు అందించారు. సివిఆర్ లేదా బ్లాక్ బాక్స్ దర్యాప్తులో ఇతోధికంగా ఉపయోగపడుతుందని భావిస్తున్నారు. దాని వల్ల పైలట్ కిందికి పంపిన సందేశాలు, పైలట్ కోపైలట్ మాట్లాడుకున్న సంభాషణలు తెలియజేస్తాయి.