సిఎం రేసులో లేను: విహెచ్

హైదరాబాద్: తాను ముఖ్యమంత్రి పదవికి రేసులో లేనని కాంగ్రెసు సీనియర్ నాయకుడు వి. హనుమంతరావు స్పష్టం చేశారు. తాను ముఖ్యమంత్రి పదవిని ఆశించడం లేదని ఆయన సోమవారం మీడియా ప్రతినిధులతో అన్నారు. ముఖ్యమంత్రి పదవిని ఎవరికి అప్పగించాలనేది తమ పార్టీ అధ్యక్షురాలు సోనియా గాంధీ నిర్ణయిస్తుందని, తామంతా ఆ నిర్ణయానికి కట్టుబడి ఉంటామని ఆయన చెప్పారు.

తాను రెండు సార్లు ముఖ్యమంత్రి పదవిని గతంలో పొందలేకపోయానని, ఇప్పుడు ముఖ్యమంత్రి అవుతానని అనుకోవడం లేదని, తాను ఆ పదవిని ఆశించడం లేదని ఆయన అన్నారు. ముఖ్యమంత్రి వైయస్ రాజశేఖరరెడ్డి ఆకస్మికంగా మరణించిన సమయంలో ఆ పదవిని ఎస్సీకో, బిసీకో ఇవ్వాలని అడగడం అంత సమంజసం కాదని ఆయన అభిప్రాయపడ్డారు. ముఖ్యమంత్రి పదవి తనను వరిస్తుందని అనుకోవడం లేదని ఆయన అన్నారు.