రాహుల్ సభ దగ్గరలో పేలుడు

చెన్నై: ఎఐసిసి ప్రధాన కార్యదర్సి రాహుల్ గాందీ ప్రసంగించే బహిరంగ సభకు సమీపంలో మంగళవారం బాంబు పేలుడు సంభవించినట్లు సమాచారం. తమిళనాడులోని మధురైలో ఈ బాంబు పేలుడు సంభవించింది. రాహుల్ పాల్గొనే సభకు కిలోమీటర్ దూరంలో ఈ పేలుడు జరిగింది. మంగళవారం సాయంత్రం రాహుల్ గాంధీ ఇక్కడికి రానున్నారు. ఈ పేలుడులో 60 ఏళ్ల వృద్ధురాలు మృతి చెందింది.

రాహుల్ గాంధీ పాల్గొనే సభకు దగ్గరలో పేలుడు సంభవించినట్లు వచ్చిన వార్తలో నిజం లేదని టిఎన్పీసి నేత తంగబాలు మీడియాకు తెలిపారు. అది తుపాకి మిస్ ఫైర్ కావడం వల్ల వచ్చిన పేలుడు శబ్దమని ఆయన వివరణ ఇచ్చారు. మిస్ ఫైర్ వల్లనే వృద్ధురాలు మరణించినట్లు ఆయన తెలిపారు. మంగళవారం సాయంత్రం రాహుల్ సభ యధావిధిగా జరుగుతుందని ఆయన చెప్పారు.