ఫైసల్ పై పాక్ నటి మీరా ఆరోపణ

న్యూఢిల్లీ: తనను బెదిరిస్తున్నాడంటూ పాకిస్తాన్ నటి మీరా భారతీయ దర్శకుడు ఫైసల్ సైఫ్ పై ఆరోపణలు చేస్తోంది. తాను మీరా భర్తనని, తనను చంపేస్తామంటూ బెదిరింపులు వస్తున్నాయని అతిక్ రహ్మాన్ అనే వ్యక్తి చేసిన ఫిర్యాదుతో లాహోర్ కోర్టు మీరాపై అరెస్టు వారంట్ జారీ చేసింది. ఈ నేపథ్యంలో మీరా ఫైసల్ పై ఆరోపణలు చేస్తోంది. ఫైసల్ పాకిస్తాన్ లో తన ఏజెంటును పెట్టి తనను ఇబ్బందులు పెడుతున్నాడని ఆమె ఆరోపించింది. కసక్, నాజర్ వంటి సినిమాలతో పాటు ఫైసల్ చేసిన ఒక సినిమాలో మీరా నటించింది.

భారత్ లో ఫైసల్ కోసం మర్డర్ ఎట్ ఫామ్ హౌస్ అనే సినిమాలో నటించానని, ఇప్పుడు తన ఏజెంటు పాకిస్తాన్ లో పైసల్ నియమించాడని, అతను తనను నా భార్య అంటూ కోర్టులో పిటిషన్ వేశాడని, ఇందులో ఫైసల్ పాత్ర ఉందని నిరూపించడానికి తన వద్ద టేప్స్ సాక్ష్యాలున్నాయని ఆమె అంటోంది.