టెక్కీ భార్య కొడుకుతో ఆత్మహత్య

హైదరాబాద్: భార్యాభర్తల మధ్య గొడవ ఓ కుటుంబంలో ఇద్దరి ప్రాణాలను బలి తీసుకుంది. తల్లితో పాటు రెండేళ్ల కుమారుడి ప్రాణాలు పోయాయి. హైదరాబాదులోని కూకట్ పల్లి ప్రాంతానికి చెందిన సాఫ్ట్ వేర్ ఇంజినీరు బాల మురళీకృష్ణ తన భార్య విజయ రాణితో గొడవ పడ్డాడు. ఈ గొడవలో ఆమెపై చేయి చేసుకున్నాడు. దీంతో కుమారుడితో సహా ఆమె రైలు కింద పడి ఆత్యహత్య చేసుకుంది.

వారి శవాలను పోస్టుమార్టం నిమిత్తం గాంధీ ఆస్పత్రికి తరలించారు. వారి శవాలను చూసి తట్టుకోలేక బాల మురళీ కృష్ణ సికింద్రాబాద్ లోని గాంధీ ఆస్పత్రి భవనంపై నుంచి దూకి ఆత్మహత్యా యత్నానికి పాల్పడ్డాడు. పోలీసులు కేసు నమోదు చేసి దర్యాప్తు చేస్తున్నారు.