హుడా హెలికాప్టర్ అత్యవసర ల్యాండింగ్

హిస్సార్: ఆంధ్రప్రదేశ్ ముఖ్యమంత్రి డాక్టర్ వైయస్ రాజశేఖర రెడ్డి హెలికాప్టర్ ప్రమాదాన్ని మరిచిపోకుండానే హర్యానా ముఖ్యమంత్రి భూపిందర్ సింగ్ హుడా హెలికాప్టర్ అత్యవసరంగా దిగింది. వాతావరణం అనుకూలించకపోవడంతో ఆయన హెలికాప్టర్ నిర్ణీత స్థలంలో కాకుండా మరో చోట దిగింది. పంజాబ్ లోని ముక్తసర్ కు ఢిల్లీ నుంచి వెళ్తుండగా హిస్సార్ లో అత్యవసరంగా హుడా హెలికాప్టర్ బుధవారం సాయంత్రం దిగింది. ఇది చండీఘర్ కు 300 కిలోమీటర్ల దూరంలో ఉంది.

ముఖ్యమంత్రి హుడా హెలికాప్టర్ సురక్షితంగా దిగిందని, రోడ్డు మార్గంలో ఆయన ఢిల్లీకి బయలుదేరారని హిస్సార్ పోలీసు సూపరింటిండెంట్ నవదీప్ సింగ్ విర్క్ తెలిపారు. వాతావరణం సరిగా లేదని పైలట్ చెప్పడంతో హెలికాప్టర్ ను సురక్షితంగా దించాలని హుడా చెప్పినట్లు సమాచారం.