జగన్ సిఎం కావాలి: రాజశేఖర్

హైదరాబాద్: దివంగత నేత వైయస్ రాజశేఖర రెడ్డి కుమారుడు వైయస్ జగన్మోహన్ రెడ్డిని ముఖ్యమంత్రిని చేయాలని సినీ దంపతులు రాజశేఖర్, జీవిత దంపతులు కాంగ్రెస్ అధిష్ఠాన వర్గాన్ని కోరారు. వారిద్దరు బుధవారం వైయస్ రాజశేఖర రెడ్డి కుటుంబ సభ్యులను పరామర్శించారు. కాంగ్రెసు వారే కాకుండా ప్రతిపక్షాల వారు కూడా జగన్ ముఖ్యమంత్రి కావాలని కోరుకుంటున్నట్లు వారు తెలిపారు. వైయస్ రాజశేఖర రెడ్డి మృతి తీరని లోటని వారన్నారు. వైయస్ రాజశేఖర రెడ్డి మృతితో రాష్ట్రం గొప్ప నేతను కోల్పోయిందని వారన్నారు.

ప్రముఖ సినీ నటుడు, కేంద్ర మాజీ మంత్రి కృష్ణంరాజు దంపతులు బుధవారంనాడు వైయస్ రాజశేఖర రెడ్డి కుటుంబ సభ్యులను పరామర్శించారు. వైయస్ కుటుంబ సభ్యులకు వారు తమ సానుభూతిని తెలిపారు. వైయస్ రాజశేఖర రెడ్డి కుటుంబ సభ్యులను కేంద్ర మంత్రి జ్యోతిరాదిత్య సింధియా కూడా పరామర్శించారు. బుధవారం మధ్యాహ్నం నగరానికి చేరుకున్న ానయ నేరుగా ముఖ్యమంత్రి క్యాంపు కార్యాలయానికి చేరుకున్నారు. వైయస్ మృతికి జ్యోతిరాదిత్య సింధియా తన సంతాపం ప్రకటించారు.