నిలకడగా 'సత్యం' రాజు ఆరోగ్యం

హైదరాబాద్: నిజాం వైద్య విజ్ఞాన సంస్థ (నిమ్స్)లో చికిత్స పొందుతున్న సత్యం కంప్యూటర్స్ మాజీ చీఫ్ రామలింగ రాజు ఆరోగ్యం నిలకడగా ఉందని వైద్యులు చెప్పారు. ఆయన నిమ్స్ లోని ఇంటెన్సివ్ కేర్ యూనిట్ (ఐసియు)లో ఉన్నారు. రామలింగరాజు హైపిటైటిస్ - సితో బాధపడుతున్నట్లు వార్తలు వచ్చాయి. ఆయనకు మరిన్ని వైద్య పరీక్షలు నిర్వహించాల్సి ఉందని వైద్యులు చెప్పారు. రామలింగ రాజు తనయుడు ఆయన తరఫు న్యాయవాది భరత్ కుమార్ తో కలిసి బుధవారం ఉదయం ఆస్పత్రికి వచ్చారు.

రామలింగ రాజు ఆరోగ్యంపై అసత్యాలు ప్రచారం చేస్తారని భరత్ కుమార్ అన్నారు. రామలింగ రాజు నిద్రపోతున్నారని ఆయన చెప్పారు. ఆయన ఆరోగ్యం నిలకడగా ఉన్నట్లు వైద్యులు చెప్పినట్లు భరత్ తెలిపారు. రామలింగరాజును నిమ్స్ నుంచి తరలిస్తారనే వార్తల్లో కూడా నిజం లేదని ఆయన అన్నారు.