జగన్ పై చెప్పలేను: రాహుల్

చెన్నై: వైయస్ జగన్మోహన్ రెడ్డి ముఖ్యమంత్రి పదవి వ్యవహారంపై తాను ఏమీ చెప్పలేనని ఎఐసిసి ప్రధాన కార్యదర్శి రాహుల్ గాంధీ అన్నారు. తమిళనాడు పర్యటనకు వచ్చిన ఆయన గురువారం మీడియా ప్రతినిధులతో మాట్లాడారు. ఆంధ్రప్రదేశ్ వ్యవహారాలపై మాట్లాడేంత అనుభవం తనకు లేదని ఆయన అన్నారు. ఆంధ్రప్రదేశ్ వ్యవహారాలపై మాట్లాడడానికి తాను తగిన వ్యక్తిని కానని ఆయన అన్నారు. ఆంధ్రప్రదేశ్ ముఖ్యమంత్రి వ్యవహారాన్ని రాష్ట్ర కేంద్ర నాయకత్వం, రాష్ట్ర నాయకత్వం చూసుకుంటుందని ఆయన అన్నారు.

వైయస్ జగన్ ను కేవలం ఒక రాజకీయ నాయకుడి కుమారుడిగానే చూడవద్దని, జగన్ సొంతంగా సాధించిన విజయాలున్నాయని ఆయన ప్రశంసించారు. ఆంధ్రప్రదేశ్ రాష్ట్రంలో జాతీయ ఉపాధి పథకం అద్భుతంగా అమలైందని, పేదలు దారిద్ర్య రేఖకు దిగువగా దిగజారకుండా కాపాడిందని ఆయన అన్నారు. జగన్ ను ముఖ్యమంత్రిని చేయాలని వస్తున్న డిమాండ్ పై ఆయన విలేకరులు అడిగిన ప్రశ్నలకు సూటిగా సమాధానం ఇవ్వడానికి నిరాకరించారు. జగన్ వ్యవహారంపై మాట్లాడే విషయంలో తనకూ కొన్ని పరిమితులున్నాయని ఆయన అన్నారు. ఆ విషయంపై మాట్లాడడానికి తన అనుభవం సరిపోదని ఆయన అన్నారు.