తాలిబాన్ నేత ముస్లిం ఖాన్ అరెస్టు

ఇస్లామాబాద్: స్వాత్ లోయలో తాము తాలిబాన్ అధికార ప్రతినిధి ముస్లిం ఖాన్ ను అరెస్టు చేసినట్లు పాకిస్తాన్ సైన్యం శుక్రవారం ప్రకటించింది. అతనితోపాటు ప్రముఖ నాయకుడిని, మరో ముగ్దుని కూడా అరెస్టు చేసినట్లు తెలిపింది. అరెస్టయిన ముస్లింఖాన్ పై, తాలిబాన్ కమాండర్ మెహమూద్ ఖాన్ లపై ప్రభుత్వం పది మిలియన్ రూపాయలేసి రివార్డులు ప్రకటించిది. స్వాత్ లో జరిపిన ఆపరేషన్ లో వీరు పట్టుబడినట్లు పాకిస్తాన్ ఆర్మీ ఒక ప్రకటనలో తెలిపింది.

మరో ముగ్గురు మిలిటెంట్లను ఫాజీ గఫార్, అబ్దుల్ రెహ్మాన్, సర్తాజ్ లుగా గుర్తించారు. పాకిస్తాన్ సైన్యం పట్టుకున్న తొలి తాలిబాన్ అగ్రనేత ముస్లిం ఖాన్ కావడం విశేషం. స్వాత్ లో గత నాలుగు నెలలుగా జరుపుతున్న ఆపరేషన్ లో 1,800 మంది మిలిటెంట్లను హతమార్చినట్లు పాకిస్తాన్ తెలిపింది. స్వాత్ లోయపై పాకిస్తాన్ సైన్యం నియంత్రణ సాధించినప్పటికీ గత కొద్ది వారాలుగా ఆత్మాహుతి దాడులు జరుగుతున్నాయి.