డిసిసి అధ్యక్షులకు జగన్ కాల్స్

హైదరాబాద్: దివంగత నేత వైయస్ రాజశేఖర రెడ్డి తనయుడు వైయస్ జగన్మోహన్ రెడ్డి శుక్రవారం ఉదయం జిల్లా కాంగ్రెస్ కమిటీ (డిసిసి) అధ్యక్షులతో మాట్లాడారు. ఆయన డిసిసి అధ్యక్షులకు ఫోన్ చేసి ఈ నెల 16వ తేదీన జరగనున్న జెడ్పీటిసి ఎన్నికలపై మాట్లాడారు. వచ్చే వారంలో 18 జెడ్పీటిసిలకు, పలు ఎంపిటీసిలకు ఎన్నికలు జరగనున్నాయి.

వివిధ ప్రాంతాల్లో పార్టీ పరిస్థితిపై, అభ్యర్థుల గెలుపు అవకాశాలపై, ప్రచార తీరుతెన్నులపై ఆయన ఆయా జిల్లాల నుంచి వచ్చిన నాయకులను అడిగి తెలుసుకున్నారు. ఎట్టి పరిస్థితిలోనోూ పార్టీ అభ్యర్థులను గెలిపించాలని, ఇందుకు సమన్వయంతో కష్టపడి పని చేయాలని ఆయన వారికి సూచించారు.