సిపిఎం నేత బృందా కారత్ అరెస్టు

మదురై: సిపిఎం పోలిట్ బ్యూరో సభ్యురాలు బృందా కారత్ ను తమిళనాడు పోలీసులు శనివారం ఉదయం అరెస్టు చేశారు. ఆమెతో పాటు అఖిల భారత ప్రజాతంత్ర మహిళా సంఘం కార్యకర్తలను కూడా పోలీసులు అరెస్టు చేశారు. తమిళనాడులోని మదురై జిల్లా ఉత్తాపురం గ్రామానికి వెళ్తుండగా ఆమెను పోలీసులు అరెస్టు చేశారు. నిరుడు ఆ గ్రామంలో అగ్రవర్ణ హిందువులకు, దళితులకు మధ్య ఘర్షణలు జరిగాయి. ఈ తర్వాత బృందా కారత్ ను పోలీసులు బెయిల్ పై విడుదల చేశారు.

ఉత్తాపురం గ్రామంలో ఇరు వర్గాలకు మధ్య చెలరేగిన ఘర్షణ సందర్భంగా పోలీసులు జరిపిని కాల్పుల్లో నిరుడ ఒక దళితుడు మరణించాడు. స్థానిక దేవాలయానికి సంబంధించి ఈ ఘర్షణ చెలరేగింది. బృందా కారత్ అరెస్టుకు పోలీసులు వెంటనే ఏ కారణమూ చెప్పలేదు. తాను ఏ విధమైన నేరమూ చేయలేదని కారత్ అన్నారు. ఒక ప్రైవేట్ కార్యక్రమం కోసం గ్రామానికి వెళ్తుండగా పోలీసులు అరెస్టు చేశారని ఆమె చెప్పారు.