చాముండిపై దుర్గా కేసు ఉపసంహరణ

విజయవాడ: ఆంధ్రా క్రికెట్ అసోసియేషన్ (ఎసిఎ) మాజీ నేత చాముండేశ్వరీనాథ్ పై మహిళా క్రికెటర్ దుర్గా భవానీ కేసును ఉపసంహరించుకుంది. ఆమె సోమవారం మూడవ మెట్రోపాలిటన్ మెజిస్ట్రేట్ ముందు హాజరై ఈ విషయాన్ని తెలిపారు. తాను ఈ నెల 12వ తేదీన కేసు ఉపసంహరించుకుంటూ ఎసిపికి వినతిపత్రం ఇచ్చానని, అయితే పోలీసులు అందుకు నిరాకరించారని ఆమె న్యాయమూర్తికి చెప్పారు. తిరుపతికి చెందిన కోచ్ వల్లనే తాను చాముండేశ్వరీనాథ్ పై కేసు పెట్టినట్లు ఆమె చెప్పారు.

లైంగిక వేధింపులకు గురిచేస్తున్నాడంటూ చాముండిపై దుర్గా భవానీ పోలీసులకు ఫిర్యాదు చేసిన విషయం తెలిసిందే. దీంతో చాముండేశ్వరీనాథ్ తీవ్ర కష్టాల్లో పడ్డారు. ఆర్థిక అక్రమాలపై, మహిళా క్రికెటర్లపై లైంగిక వేధింపుల ఆరోపణలపై చాముండిని ఎసిఎ నిషేదిస్తూ నిర్ణయం తీసుకుంది.