అమెరికా దాడులపై లాడెన్ టేప్

వాషింగ్టన్: ఇజ్రాయెల్ కు మద్దతిస్తున్నందుకే ఆమెరికాపై 2001 సెప్టెంబర్ 11వ తేదీన దాడి చేసినట్లు ఆల్ ఖైదా నేత ఒసామా బిన్ లాడెన్ చెప్పాడు. దాడులు జరిగి 8 ఏళ్లయిన సందర్భంగా లాడెన్ పేర ఆల్ ఖైదాకు చెందిన ఆస్ - సాహబ్ మీడియా అమెరికా ప్రజలకు సందేశం పేర వీడియో టేప్ ను విడుదల చేసింది. అందులో లాడెన్ స్టిల్ ఇమేజ్, అతని ప్రకటన ఉన్నాయని ఇంటెల్ సెంటర్ తెలిపింది. ఇతర అన్యాయాలరు పాల్పడడంతో పాటు ఇజ్రాయెల్ కు అమెరికా మద్దతిచ్చినందుకే అమెరికాపై దాడి చేసినట్లు లాడెన్ చెప్పాడు.

ఇజ్రాయెల్ అనుకూల శ్వేత సౌధం, కార్పోరేట్ ప్రతినిధుల లాబీ ఇరాక్, అఫ్గానిస్తాన్ లో దాడులకు పాల్పడుతున్నట్లు ఆరోపించాడు. ఈ దాడులు ఇస్లామిక్ అనుకూల వర్గాలు చేయడం లేదని అన్నాడు. బుష్ చెప్పినట్లుగా ఇరాక్ కాకుండా శ్వేత సౌధాన్ని లిబరేట్ చేయాలని అతను అన్నాడు. యుద్ధాల తీరును మార్చే శక్తి ప్రస్తుత అమెరికా అధ్యక్షుడు బరాక్ ఒబామాకు లేదని అతను అన్నాడు. ఇంతకు ముందు జాన్ 3వ తేదీన లాడెన్ టేప్ విడుదలైంది.