గిరిజన స్త్రీలపై బ్యాంకర్ లైంగిక దోపిడీ

హైదరాబాద్: రుణాలు ఇవ్వడానికి ఒక జాతీయ బ్యాంక్ ఉద్యోగి గిరిజన మహిళలపై లైంగిక దోపిడీకి పాల్పడిన సంఘటన వెలుగులోకి వచ్చింది. ఇందుకు సంబంధించిన వీడియో క్లిప్పింగులను బయటపడ్డాయి. ఆంధ్రప్రదేశ్ లోని అనంతపురం జిల్లాలో ప్రభాకర్ అనే ఉద్యోగి మహిళలపై లైంగిక దోపిడీకి పాల్పడిన వీడియోలు వెలుగులోకి వచ్చినట్లు ఆ చానెల్ తెలిపింది. రుణాలు ఇవ్వాలంటే తన కోరికను తీర్చాలని ప్రభాకర్ మహిళలపై ఒత్తిడి తెచ్చాడు. రహస్యంగా వీడియో కూడా తీశాడు.

అతను ఇలా చేస్తాడని తాము అనుకోలేదని, తన మాటలతో ప్రభాకర్ మహిళలను బుట్టలో పడేశాడని గిరిజనులు వాపోతున్నారు. వీడియోలను కాల్చి వేయడానికి పొరుగునే ఉన్న పట్టణానికి వెళ్లాడు. అయితే వీడియో షాపు యజమానులు వాటి కాపీలు తీసి పంపిణీలో పెట్టారు. ప్రభాకర్, సిడి షాపు యజమానులు వేణు, సుదర్శన్ లను అరెస్టు చేసి జ్యుడిషియల్ కస్టడీకి పంపారు. అయితే బ్యాంక్ మాత్రం ప్రభాకర్ పై ఇంకా చర్యలు తీసుకోలేదు.