రాహుల్ రైలు దాడిపై దర్యాప్తు

ఘరౌండా: హర్యానాలో ఎఐసిసి ప్రధాన కార్యదర్శి రాహుల్ గాంధీ ప్రయాణిస్తున్న రైలుపై జరిగిన దాడి మీద పోలీసులు, ఫోరెన్సిక్ నిపుణులు దర్యాప్తు ప్రారంభించారు. శతాబ్ది ఎక్స్ ప్రెస్ రైలు రాళ్లతో దాడి జరిపిన వారిని గుర్తించడానికి వారు బుధవారం గ్రామాల్లో సోదాలు నిర్వహించారు, ప్రజలను ప్రశ్నించారు.

రాహుల్ గాంధీ ప్రయాణిస్తున్న రైలుపై ఘౌరండా సమీపంలో మంగళవారం రాత్రి దుండగులు రాళ్ల దాడి జరిపిన విషయం తెలిసిందే. వివిధ క్లూలను బట్టి తాము విచారణ జరుపుతున్నామని, సంఘటన వెనక ఎవరు ఉన్నారనే విషయాన్ని కనుక్కోవడానికి సమీప గ్రామల ప్రజలను ప్రశ్నించామని రోతక్ రేంజ్ పోలీసు ఇన్ స్పెక్టర్ జనరల్ వి.కామరాజ్ చెప్పారు. దాడిలో మూడు కోచ్ ల అద్దాలు పగిలాయి. ఒక వ్యక్తి గాయపడ్డాడు.