గ్రేటర్ ఎన్నికలకు రెడీ: ఆనం

హైదరాబాద్: ప్రభుత్వం గ్రేటర్ హైదరాబాద్ ఎన్నికలకు ప్రభుత్వం సిద్ధంగా ఉందని రాష్ట్ర పట్టణాభివృద్ధి శాఖ మంత్రి ఆనం రామనారాయణ రెడ్డి చెప్పారు. ఎన్నికల షెడ్యూల్ ను ఎన్నికల సంఘం ప్రకటించాల్సి ఉందని ఆయన అన్నారు. గ్రేటర్ హైదరాబాద్ ఎన్నికలపై ముఖ్యమంత్రి కె.రోశయ్య శుక్రవారం సమీక్ష జరిపారు. సమీక్ష వివరాలను ఆనం రామనారాయణ రెడ్డి మీడియా ప్రతినిధులకు వివరించారు.

వచ్చే జులై వరకు హైదరాబాద్, సికింద్రాబాద్ జంటనగరాలకు మంచినీటి ఎద్దడి ఉండదని ఆయన చెప్పారు. గ్రేటర్ హైదరాబాద్ రోడ్లకు 30 కోట్ల రూపాయలతో మరమ్మతులు చేయిస్తున్నట్లు ఆయన తెలిపారు. దోమల నివారణకు వారానికి ఒక రోజు ఫాగింగ్ చేయనున్నట్లు చెప్పారు.