ఫ్యాన్స్ కు హన్సిక ఫ్లయింగ్ కిస్సు లు

హైదరాబాద్: దేశ ముదురు సినిమా హీరోయిన్ హన్సిక తన ఫ్లయింగ్ కిస్సులతో హైదరాబాద్ అభిమానులను అలరించారు. ఆమె పదే పదే ఫ్లయింగ్ కిస్సులు ఇచ్చారు. ఈ సమయంలో అభిమానులు కేరింతలు కొట్టారు. ఆదర్శ్ మొబైల్ బ్రాండ్ అంబాసిడర్ గా వ్యవహరిస్తున్న ఆమె శనివారం హైదరాబాద్ వచ్చారు. ఈ సందర్భంగా ఆమెను చూడడానికి పెద్ద యెత్తున అభిమానులు వచ్చారు. వారిని చూసి తబ్బిబ్బైన ఆమె నన్ను ప్రేమిస్తున్నారా అంటూ పదే పదే వారిని అడిగారు.

దివంగత నేత వైయస్ రాజశేఖర రెడ్డి మృతికి ఆమె సంతాపం ప్రకటించారు. రియల్ హీరో రాజశేఖర రెడ్డి మన మధ్య లేకుండా పోయారని ఆమె అన్నారు. తెలుగు సినిమాల్లో తనకు ఏ హీరోయిన్ కూడా పోటీ కాదని, తనకు తానే పోటీ అని ఆమె మీడియా ప్రతినిధులతో అన్నారు.