చిరంజీవికి టిటిడి అవమానం

హైదరాబాద్: తిరుమల తిరుపతి దేవస్థానం (టిటిడి) ప్రజారాజ్యం అధ్యక్షుడు, స్థానిక శాసనసభ్యుడు చిరంజీవిని అవమానించింది. ప్రోటోకాల్ ప్రకారం చిత్తూరు జిల్లా ప్రజాప్రతినిధులందరికీ టిటిడి ఆహ్వానం పంపాల్సి ఉంటుంది. అందులో భాగంగా చిరంజీవిని శ్రీవారి బ్రహ్మోత్సవాలకు ఆహ్వానించాల్సి ఉంది. కానీ తనకు టిటిడి అధికారుల నుంచి ఎటువంటి ఆహ్వానం కూడా అందలేదని చిరంజీవి చెప్పారు. ఓ సాధారణ భక్తుడిగా బ్రహ్మోత్సవాల్లో పాల్గొంటానని ఆయన సోమవారంనాడు చెప్పారు.

బ్రహ్మోత్సాల్లో పాల్గొనడానికి చిరంజీవి తిరుపతి చేరుకున్నారు. ఆయన ముస్లిం రంజాన్ వేడుకల్లో కూడా పాల్గొంటారు. చిరంజీవిని టిటిడి బ్రహ్మోత్సవాలకు ఆహ్వానించకపోవడంపై ప్రజారాజ్యం నేతలు మండిపడుతున్నారు. తిరుమల బ్రహ్మోత్సవాల్లో పాల్గొనడానికి ముఖ్యమంత్రి కె.రోశయ్య హైదరాబాదు నుంచి తిరుపతికి బయలుదేరారు. రోశయ్య దంపతులు ప్రభుత్వం తరఫున తిరుమల శ్రీవారికి పట్టు వస్త్రాలు సమర్పిస్తారు.