అస్సాంలో మరో సారి భూకంపం

గౌహతి: భారత ఈశాన్య ప్రాంతాల్లో, మయన్మార్ లో మంగళవారం మరోసారి భూకంపం కుదిపేసింది. ఈ భూకంప తీవ్రత రిచర్ స్కేల్ పై 5.7గా నమోదైంది. సోమవారం సంభవించిన భూకంపంలో భూటాన్ లో మరణించినవారి సంఖ్య 11కు చేరుకుంది. మయన్మార్ కేంద్రంగా మంగళవారం తెల్లవారు జామున ఒంటి గంటా 8 నిమిషాలకు భూ ప్రకంపనలు చోటు చేసుకున్నాయి. భారతదేశంలోని అస్సాం, అరుణాచల్ ప్రదేశ్, నాగాలాండ్, మణిపూర్ ల్లో, మయన్మార్ లను ఈ భూకంపం తాకింది.

మంగళవారంనాటి భూకంపంలో ప్రాణ నష్టం సంభవించినట్లు వెంటనే ఏ విధమైన వార్తలు రాలేదు. సోమవారం నాటి భూకంపం భయం మనసుల నుంచి తొలగక ముందే మంగళవారం ప్రజలు మరింత భయాందోళనలకు గురై ఇళ్ల నుంచి బయటకు పరుగులు తీశారు. భూటాన్ లో సంభవించిన నష్టంపై అధికారులు అంచనాలు వేస్తున్నారు.