ఎన్నికలకు ముందు బ్లాక్ నే: ఒబామా

న్యూయార్క్: ఎన్నికలకు ముందు తాను నల్లవాడినేనని అమెరికా అధ్యక్షుడు బరాక్ ఒబామా హాస్యమాడారు. రాజకీయ ఎజెండాపై తీవ్ర వ్యతిరేకత ఎదురవుతున్న సమయంలో దాన్ని తేలికగా తీసుకునేందుకు ఆయన ఆ విధంగా హాస్యమాడారు. జాతి వివక్షపై చర్చ తీవ్ర రూపం దాల్చకుండా ఒబామా చేసిన రెండో ప్రయత్నం ఇది. ఒబామా చేపట్టిన ఆరోగ్య పథకాలు జాతి వివక్షతో కూడినవని మాజీ అమెరికా అధ్యక్షుడు జిమ్మీ కార్టర్ వ్యాఖ్యానించారు.

తాను అమెరికా అధ్యక్షుడిగా ఎన్నికైన తొలి ఆఫ్రికన్ - అమెరికన్ ను అని, దీన్ని బట్టి దేశంలో జాతి సంబంధాలు ఎంత విశాలంగా ఉన్నాయో అర్థమవుతుందని ఒబామా సిబిఎస్ ది లేట్ షో లో డేవిడ్ లెటర్ మ్యాన్ తో అన్నారు. ఎన్నికలకు ముందు నిజానికి తాను నల్లవాడని అనే విషయం గుర్తించాలని ఆయన అన్నారు. ఆర్థిక పరిస్థితిని మెరుగు పరచడానికి అధ్యక్షుడు ప్రత్యేకమైన మార్పులు తేవాలని ప్రయత్నించినప్పుడు వ్యతికేరత రావడం సహజమని ఆయన అన్నారు.