చంద్రుడిపై నీరు: తేల్చిన చంద్రయాన్

న్యూఢిల్లీ: చంద్ర మండలంపై భారత మూన్ మిషన్ చంద్రయాన్ - 1 జలం ఆనవాళ్లను కనిపెట్టింది. కూలిపోవడానికి ముందు అది ఈ విషయం తేల్చింది. ఈ విషయాన్ని నాసాకు చెదిన మూన్ మినరాలజీ మ్యాపర్ (ఎం3) తెలియజేసింది. 386 కోట్ల రూపాయల చంద్రయాన్ ను నిరుడు అక్టోబర్ 22వ తేదీన ప్రయోగించారు. దాని నుంచి ఆగస్టు 30వ తేదీ నుంచి సమాచార వైఫల్యం ఏర్పడింది.

చంద్రయాన్ సాధించిన ఫలితం గురించి ఇప్పటి వరకు ఇస్రో గానీ నాసా గానీ ఏమీ వెల్లడించలేదు. చంద్రయాన్ చంద్రమండలంపై నీరు ఉన్నట్లు తెలిపిన విషయంపై మాట్లాడడానికి బ్రౌన్ విశ్వవిద్యాలయం అధికార ప్రతినిధి నిరాకరించారు. అది భారీ ప్రకటన అవుతుందని, చంద్రయాన్ కు సంబంధించి అది గొప్ప ఫలితమని, భారత అంతరిక్ష పరిశోధనలో అత్యంత ప్రతిష్టాత్మకమైన విషయం అవుతుందని ఆయన అన్నారు.