మహిళపై చిత్రం శ్రీను భార్య దాడి

మహబూబ్ నగర్: వర్ధమాన నటుడు చిత్రం శ్రీనుతో మహబూబ్ నగర్ జిల్లా కోర్టుకు వచ్చిన మహిళపై ఆయన భార్య ఉమామహేశ్వరి, ఆమె తల్లి, కాంగ్రెసు నాయకురాలు నాగమణి కలిసి గురువారం దాడి చేశారు. భార్య పెట్టిన కేసులో విచారణకు హాజరు కావడానికి చిత్రం శ్రీను తన వర్గీయులతో కోర్టుకు వచ్చారు. అందులో ఒక మహిళ కూడా ఉంది. ఆ మహిళను చిత్రం శ్రీను రెండో పెళ్లి చేసుకున్నాడనే కోపంతో ఉమామహేశ్వరి, నాగమణి ఆమెపై దాడి చేశారు. తన భర్త చిత్రం శ్రీను రెండో పెళ్లి చేసుకున్నాడని ఆరోపిస్తూ ఉమామహేశ్వరి కేసు పెట్టింది.

తాను రెండో పెళ్లి చేసుకోలేదని చిత్రం శ్రీను కోర్టుకు తెలిపారు. తాను ఉమామహేశ్వరితో కలిసి ఉండడానికి సిద్ధంగానే ఉన్నానని చిత్రం శ్రీను కోర్టుకు తెలిపినట్లు ఆయన తరఫు న్యాయవాది మీడియా ప్రతినిధులతో చెప్పారు. అయితే తన భర్త చిత్రం శ్రీను అబద్ధాలు ఆడుతున్నాడని, రెండో భార్యను తన వెంట తెచ్చుకున్నాడని ఉమామహేశ్వరి ఆరోపిస్తోంది.