సెక్స్ పాఠాలు చెప్పలేదు: కిరస్టన్

సెంచూరియన్: ఆటతీరును మెరుగు పరుచుకోవడానికి మ్యాచులకు ముందు సెక్స్ లో పాల్గొనాలని తాను భారత క్రికెట్ జట్టు సభ్యులకు సలహా ఇచ్చినట్లు వచ్చిన వార్తలను జట్టు కెప్టెన్ గారీ కిరస్టన్ ఖండించారు. మ్యాచులకు ముందు సెక్స్ లో పాల్గొనాలని క్రికెటర్లకు కిరస్టన్, మెంటల్ కండీషనింగ్ నిపుణుడు పడ్డీ ఉప్టన్ సలహా ఇచ్చినట్లు వచ్చిన వార్త సంచలనం కలిగించింది. ఆ వార్తకు తాను ఎంతో బాధపడ్డానని కిరస్టన్ అన్నారు.

తన కుటుంబం, తాను ఆ వార్తకు బాధపడ్డామని ఆయన చెప్పారు. తాను అటువంటి పని ఎప్పుడూ చేయలేదని, అటువంటి ఇక ముందు కూడా చేయబోనని, లైంగిక కార్యకలాపాల్లో పాల్గొనాలని తాను జట్టును గానీ ఆటగాడిని గానీ ప్రోత్సహించలేదని ఆయన వివరించారు. అటువంటి పని చేయడం తన మత, నైతిక విలువలకు విరుద్ధమని ఆయన చెప్పారు.