ఐరోపా దేశాలకు లాడెన్ హెచ్చరిక

కైరో: అఫ్గానిస్తాన్ నుంచి తమ బలగాలను ఉపసంహరించుకోవాలని ఆల్ ఖైదా నేత ఒసామా బిన్ లాడెన్ డిమాండ్ చేశారు. తమపై యుద్ధంలో అమెరికాతో చేతులు కలిపితే ఐరోపా దేశాలపై కూడా తాము పగ తీర్చుకుంటామని ఆయన హెచ్చరించారు. ఈ మేరకు లాడెన్ కొత్త ఆడియో టేప్ ఒకటి విడులైంది. అఫ్ఘానిస్తాన్ నాటో వైమానిక దాడులను ఆయన ఖండించారు. ఈ దాడుల్లో పౌరులు మరణిస్తారని ఆయన అన్నారు.

తాము ఎక్కువగా అడగడం లేదని, సాధ్యం కాని డిమాండ్ పెట్టడం లేదని, ఐరోపా దేశాలు అణచివేతకు స్వస్తి చెప్పి బలగాలను ఉపసంహరించుకోవాలని ఆయన అన్నారు. అమెరికా బలగాలు త్వరలోనే అఫ్గానిస్తాన్ నుంచి తప్పుకుంటాయని ఆయన అన్నారు. నాటో మిత్ర దేశాలను ముంచి ఆ బలగాలు తప్పుకుంటాయని ఆయన అన్నారు. అప్పుడు ఐరోపాపై ప్రతీకారం తీర్చుకుంటామని ఆయన అన్నారు.