వైయస్ జగన్ నేర్చుకోవాలి: విహెచ్

హైదరాబాద్: తమ పార్టీ అధ్యక్షురాలు సోనియా గాంధీ అండదండలతోనే దివంగత నేత వైయస్ రాజశేఖర రెడ్డి ఎదిగారని, వైయస్ రాజశేఖర రెడ్డి తనయుడు వైయస్ జగన్మోహన్ రెడ్డి ఆ బాటలోనే నడవాలని కాంగ్రెసు సీనియర్ నేత వి. హనుమంతరావు అన్నారు. ఖమ్మం జిల్లాలో జగన్ వర్గీయులు సోనియా చిత్ర పటాన్ని ముక్కలు చేయడంపై ఆయన తీవ్ర ఆగ్రహం వ్యక్తం చేశారు.

సోనియా చిత్రపటాన్ని ముక్కలు చేసిన ఘటనపై 48 గంటలైనా చర్యలు తీసుకోలేదని ఆయన ఆవేదన వ్యక్తం చేశారు. అందుకు తాను ప్రాయశ్చిత్తం చేసుకుంటానని, సోనియా గాంధీ శిష్యుడిగా, కాంగ్రెసు సైనికుడిగా 48 గంటలు మౌనవ్రతం పాటిస్తానని ఆయన చెప్పారు.