షైనీ అహుజాకి బెయిల్ మంజూరు

ముంబై: బాలీవుడ్ యాక్టర్ షైనీ అహుజాకి మూడు నెలల జైలు జీవితం తర్వాత ఈ రోజు షరతులతో కూడిన బెయిల్ లభించింది. తన ఇంట్లో పని చేస్తున్న యువతిపై అత్యాచారం జరిపాడని మూడు నెలల క్రితం అరెస్టయిన అహుజాకి దేశం విడిచిపోరాదనే నిబంధన మీద బెయిల్ మంజూరు చేశారు.

కానీ ఈ అత్యాచార ఆరోపనల్లో నిజం లేదని అహుజా మొదటి నుండీ చెబుతూ వస్తున్నాడు. తాను ఆ యువతి అంగీకారంతోనే సెక్స్ లో పాల్గొన్నానని, డబ్బు కోసం ఇప్పుడు ఇలా నాటకాలు ఆడుతున్నారని ఇంతకు ముందే అంగీకరించాడు. కాగా మూడు నెలలు జైల్లో గడిపిన షైనీ బాగా కృంగిపోయాడని, ఆరోగ్యం కూడా సరిగా లేదని బెయిల్ మంజూరు చెయ్యాలని ఆయన తరపు న్యాయవాది కోరిన సంగతి తెలిసిందే.