ఆసీస్ లో జాతి వివక్ష తిట్లు: దేహ శుద్ధి

మెల్బోర్న్: తమపై జాతి వివక్ష తిట్లకు పాల్పడి, తమ కారను ధ్వంసం చేసిన స్థానికులపై ఆస్ట్రేలియాలో భారతీయులు దాడి చేశారు. ఎప్పింగ్ లోని మీడోవాగ్లెన్ అంతర్జాతీయ అథ్లెటిక్స్ స్టేడియం వెలుపల కారు పార్కింగ్ వద్ద ఈ సంఘటన చోటు చేసుకున్నట్లు పోలీసులు సోమవారంనాడు చెప్పారు. గత రాత్రి కబడ్డీ మ్యాచ్ ముగిసిన తర్వాత భారతీయులు వెలుపలకి వచ్చారు. ఆ సమయంలో స్థానికులు భారతీయులపై జాతి వివక్ష వ్యాఖ్యలు చేశారు.

భారతీయులు ఇద్దరు వ్యక్తులపై దాడి చేశారని, వారు ఈ దాడిలో గాయపడ్డారని పోలీసులు తెలిపారు. 25, 42 ఏళ్ల వయస్సు గల ఈ ఇద్దరు వ్యక్తులు స్వల్ప గాయాలతో నార్తర్న్ ఆస్పత్రిలో చికిత్స పొందినట్లు వారు చెప్పారు. ఈ సంఘటనపై ఏ విధమైన కేసు నమోదు కాలేదు. గాయపడిన వ్యక్తులు ఆరోపణలు చేయలేదని ఇన్ స్పెక్టర్ డోనీ చెప్పారు. తమకు ఫిర్యాదు అందలేదని ఆయన చెప్పారు.