హైదరాబాద్ చేరుకున్న సోనియా గాంధీ

హైదరాబాద్: రాష్ట్రంలోని వరద తాకిడి ప్రాంతాల్లో ఏరియల్ సర్వే నిర్వహించడానికి కాంగ్రెసు అధ్యక్షురాలు సోనియా గాంధీ సోమవారం ఉదయం హైదరాబాదుకు చేరుకున్నారు. ఆమె హైదరాబాదులోని శంషాబాద్ అంతర్జాతీయ విమానాశ్రయానికి చేరుకుని వరద తాకిడి ప్రాంతాలకు బయలు దేరారు. ఆమె కర్నూలు, మహబూబ్ నగర్ జిల్లాల్లో ఏరియల్ సర్వే నిర్వహిస్తారు.

సోనియా వెంట ముఖ్యమంత్రి రోశయ్య, పిసిసి అధ్యక్షుడు డి. శ్రీనివాస్, పార్టీ రాష్ట్ర వ్యవహారాల ఇంచార్జీ వీరప్ప మొయిలీ వెళ్తారు. రెండు జిల్లాల్లో ఆమె 45 నిమిషాల పాటు సందర్శిస్తారు. అనంతరం కర్ణాటకలోని బళ్లారి ప్రాంతంలోని ముంపు ప్రాంతాలను పరిశీలిస్తారు. ఆ తర్వాత హైదరాబాద్ వచ్చి న్యూఢిల్లీకి బయలుదేరి వెళ్తారు. మంగళవారం ప్రధాని మన్మోహన్ సింగ్ రాష్ట్రంలోని వరద తాకిడి ప్రాంతాలను సందర్శిస్తారు.