కృష్ణా నదిలో నలుగురు గల్లంతు

విజయవాడ: కృష్ణా జిల్లాలో మంగళవారం మరో విషాద సంఘటన చోటు చేసుకుంది. కృష్ణా జిల్లా నాగాయలంక మండలం జింకపాలెం గ్రామానికి చెందిన నలుగురు కృష్ణానదిలో గల్లంతయ్యారు. చేపల వేటకు వెళ్లిన వారు నదిలో గల్లంతయ్యారు. వారి కోసం బంధువులు తీవ్రంగా గాలిస్తున్నారు. ఒకే గ్రామానికి చెందిన నలుగురు గల్లంతు కావడంతో గ్రామంలో విషాద వాతావరణం నెలకొంది.

ఇదిలా ఉంటే, నాగాయలంక మండలం ఎదురుమొండి ఉప్పుకట్టకు గండి పడింది. దీంతో 12 గ్రామాలు జలమయం అయ్యాయి. కృష్ణా నది కరకట్టల వద్ద వరద ఉధృతి తగ్గడం లేదు. మరో 24 గంటల పాటు అదే స్థాయిలో వరద ఉధృతి కొనసాగే అవకాశం ఉంది. కరకట్టలు తెగే ప్రమాదం ఉన్న చోట్ల మరమ్మతులు చేపట్టారు. కరకట్టను ఆనుకుని ఉన్న గ్రామాలు ఇంకా భయం గుప్పిట్లోనే ఉన్నాయి.