కోబాడ్ గాంధీ కోసం ఇన్ స్పెక్టర్ హత్య

రాంఛీ: నిషేధిత మావోయిస్టులు జార్ఖండ్ లోని ఇన్ స్పెక్టర్ ఫ్రాన్సిస్ ఇందూవర్ ను చంపారు. కోబాడ్ గాంధీతో పాటు ముగ్గురు తమ నేతలను విడుదల చేయాలని డిమాండ్ చేస్తూ మావోయిస్టులు సెప్టెంబర్ 30వ తేదీన ఫ్రాన్సిస్ ఇందూవర్ ను కిడ్నాప్ చేశారు. ఆయనను చంపేసినట్లు మంగళవారంనాడు సీనియర్ పోలీసు అధికారులు చెప్పారు.

గాంధీతో పాటు తమ ముగ్గురు నేతలను విడుదల చేస్తేనే ఇందూవర్ ను విడుదల చేస్తామని మావోయిస్టులు షరతు పెట్టారు. ఇందూవర్ హత్యను జార్ఖండ్ డిప్యూటీ ఇన్ స్పెక్టర్ జనరల్ ఆర్ కె మాలిక్ ధృవీకరించారు. ఆయన మృతదేహం జంషెడ్ పూర్ - రాంచీ రహదారిపై ఉదయం 9 గంటల ప్రాంతంలో కనిపించిందని ఆయన చెప్పారు.